Eurasian Foods Corporation
Umumiy ma’lumotlar va tarix
Ilgari Almati margarin zavodi sifatida tanilgan Eurasian Foods Corporation 1962-yilda foydalanishga topshirilgan. Bugungi kunda bu Qozog‘iston va Markaziy Osiyo mamlakatlari oziq-ovqat sanoatining eng yirik va nufuzli korxonalaridan biridir.
Ishlab chiqarish quvvatlari
Korxona yiliga 132 ming tonnagacha tayyor mahsulot ishlab chiqarish imkonini beruvchi kuchli ishlab chiqarish bazasiga ega bo‘lib, shundan 107 ming tonnasi souslar guruhiga to‘g‘ri keladi. Korxonaning umumiy maydoni 4,21 gektarni tashkil etadi, shundan 0,916 gektari ishlab chiqarish zonasidir.
Ishlab chiqarish jarayonlari
Zavod xomashyoni qayta ishlashdan tortib tayyor mahsulot ishlab chiqarishgacha bo‘lgan to‘liq texnologik siklni amalga oshiradi.
Korxonada quyidagi jarayonlar yo‘lga qo‘yilgan:
- o‘simlik yog‘ini rafinatsiyalash va qadoqlash;
- mayonez ishlab chiqarish va qadoqlash;
- ketchup ishlab chiqarish va qadoqlash;
- gorchitsa, souslar va ziravorlar ishlab chiqarish hamda qadoqlash;
- quruq ziravorlar ishlab chiqarish va qadoqlash;
- marinadlar ishlab chiqarish va qadoqlash;
- tomat pastasi ishlab chiqarish va qadoqlash.
Infratuzilma va logistika
Kompaniya rivojlangan muhandislik va transport infratuzilmasiga ega. Uning tarkibiga zamonaviy omborxonalarga ega shaxsiy Logistika markazi va temir yo‘l shaxobchasi, yuqori voltli taqsimlash podstansiyasi, gaz qozonxonalari va suv olish quduqlari kiradi. Transport logistikasi uchun korxona o‘z avtoparki, temir yo‘l shaxobchalari, vagon-sisternalar va izotermik vagonlardan foydalanadi. Bunday infratuzilmaning mavjudligi mahsulotni ishlab chiqarish, saqlash va Qozog‘iston hududida hamda undan tashqarida yetkazib berish masalalarida avtonomlik va moslashuvchanlikni ta’minlaydi.
