EURASIAN FOODS CORPORATION
"Eurasian Foods Corporation" xoldingi yog‘-moy va sut mahsulotlarini ishlab chiqaruvchi uchta yuqori texnologiyali zavodni o‘zida birlashtiradi. Zavodlar Yevropaning yetakchi ishlab chiqaruvchilari uskunalari bilan jihozlangan hamda xomashyo qabulidan tayyor mahsulot chiqarilishigacha bo‘lgan jarayonda qat’iy va ko‘p bosqichli sifat nazorati ostida faoliyat yuritadi. Attestatsiyadan o‘tgan laboratoriyalar fizik-kimyoviy va mikrobiologik nazoratni ta’minlaydi, xususiy innovatsion laboratoriyalar esa yangi mahsulotlarni ishlab chiqish va retsepturalarni takomillashtirish imkonini beradi.
Ishlab chiqarish faoliyati FSSC 22000 sxemasi bo‘yicha sertifikatlangan hamda amaldagi hujjatlarning har yillik tasdig‘i bilan CT PK ISO 9001:2016, CT PK ISO 22000:2019, CT PK ISO 14001:2016 va CT PK ISO 45001:2019 talablariga javob beradi.
Kompaniya mahsulotlari iste’molchilar orasida keng ommalashgan bo‘lib, milliy va xalqaro tanlovlarda muntazam ravishda mukofotlarga sazovor bo‘lmoqda. Xolding ishlab chiqarishni tashkil etishning yuqori darajasini namoyish etadi hamda Qozog‘istonning eng yirik soliq to‘lovchilari reytingiga kiradi.
Xolding nafaqat ichki bozorni sifatli mahsulotlar bilan ta’minlab kelmoqda, balki eksport faoliyatini ham muvaffaqiyatli rivojlantirmoqda. Xoldingning shaxsiy distribyutor tarmog'i mahsulotlarni Qozog'iston, Qirg'iziston va O'zbekiston bo'ylab yetkazib berish imkonini beradi.
Hozirgi kunda xolding o'z mahsulotlarini dunyoning 10 ta davlatiga yetkazib beradi: Gruziya, Qirgʻiziston, Xitoy, Oʻzbekiston, Ozarbayjon, Rossiya, Tojikiston, Turkmaniston, Moʻgʻuliston, Armaniston.
